မျိုးရင်း - Mimosaceae ( ဆူးဖြူမျိုးရင်း)
Bot - Acacia concinna DC.
ကချင်- Hpah-Ha.
ချင်း - Hing - Hang
မွန် - Hla pruckkha;sot.lopoot;janah lapoot.
ရှမ်း- Hpak - Ha;sum-Hkawn.

#ကင်ပွန်းချဉ်

မြန်မာနိုင်ငံအနှံ့အပြား၌ ပေါက်ရောက်ပြီး အမြဲစိမ်းသစ်တောများ၌ အများဆုံး တွေ့ရသည်။ သဘာဝအလျောက် ပေါက်ရောက်သည်။

#အပင်

ဆူးရှိသောချုံပင်မျိုးဖြစ်၏ ။ ပင်စည်ပျော့၏ ။ အစိမ်းရောင် အခက်များပေါ်တွင် နီမှိုင်းသော အစင်းများ ရှိပြီး သေးငယ်သော အဖြူစက်ကလေးများ ဖုံးအုပ်နေသည်။

#အရွက်

နှစ်ခါ ငှက်မွေးရွက်ပေါင်း ဖြစ်သည်။ ၄-၆ လက်မရှည်၍ ရွက်ကလေး ၄-၆ စုံရှိသည်။ ရွက်မြွှာအစုံ ၁၂-၂၀ ရှိသည်။ ရွက်မြွှာများ ရှည်မျောမျောပုံဖြစ်သည်။ ရွက်ရင်း ရွဲ့စောင်းပြီး ရွက်ထိပ်ပိုင်း ၀ိုင်း၍ အဖျားချွန်သည်။

#အပွင့်

တစ်ပင်တိုင် ပန်းခိုင်ဖြစ်၍ ပန်းခိုင်၏ အဖျားတွင် စုပြုံ၍ တစ်ပွင့်တည်းကဲ့သို့ ပွင့်သည်။  အပွင့် အ၀ါ ရောင်ဖြစ်သည်။ အမွေးအနည်းငယ်သာရှိပြီး ပွင့်ညှာမဲ့သည်။ တပေါင်းလမှ ၀ါဆိုလအတွင်း ပွင့်သည်။

#အသီး

အသားထူသော အသီးတောင့်ရှည်မျိုး ဖြစ်သည်။ ပြား၍ဖြောင့်သည်။ အစေ့များကြားတွင် အဆစ်များ ဖြစ်နေသည်။ အစေ့ အနက်ရောင်ရှိ၍ နတ်တော်လနှင့် ပြာသိုလတွင် သီးသည်။

#ကင်ပွန်းချဉ် စိုက်ပျိုးနည်း

#နိဒါန်း

မြန်မာ လူမျိုးတို့ အထူး နှစ်သက်သော ဟင်းသီး ဟင်းရွက် ဖြစ်သည်။ ချဉ်ရည် ချက်၍ လည်းကောင်း၊ ကြော်၍ လည်းကောင်း၊ အခြား
သားငါး များနှင့် ရောနှော၍ လည်းကောင်း ချက်ပြုတ် စားသုံး နိုင်သည်။ မြန်မာ တို့သည် ကင်ပွန်းချဉ်ကို ခြံစည်း ရိုးတန်း အဖြစ် စိုက်၍
အညွန့်ကို ရောင်းချ ကြသည်။ ဒေသမရွေးစိုက်ပျိုးနိုင်သည်။

#မြေပြုပြင်ခြင်း
မြေထုပ်စီး ထားသော ကင်ပွန်း ချဉ်ပင်အား မြေမချမီ တစ်ပတ်ခန့် အလို၌ စိုက်ခင်း ကိုမြေပြင် နိုင်သည်။ မြက်ကိုပြောင်အောင်ရှင်းပြီး
နွားထွန်ဖြင့်လည်းကောင်း၊ ပေါက်တူးဖြင့် လည်းကောင်း မြေလှန်ပေးပြီးမှ မြေညီအောင် ပြန်ညှိပေးရမည်။

#စိုက်ပျိုးခြင်း
မြေထုပ်စီး ထားသော ကင်ပွန်းချဉ်ပင်ကို မြေလုံးမပျက်စိုက်ရသည်။ အတန်းကြား ခြောက်ပေ၊ အပင် ကြား သုံးပေခြား၍စိုက်ရမည်။
မြေထုတ်စီးကိုင်းကို မတ်မတ်ထောင်အောင်စိုက်ရသည်။ အပင်ရင်းတွင် မြေကို လေးလက်မခန့် မြင့်အောင်ဖုံးပေးပြီး၊ လက်ဖြင့်ဖိပေး
ပါ။ စိုက်စတွင် မိုးပြတ်ပါက သုံးရက်ဆက်တိုက် ရေ လောင်းပေးရမည်။ မြေထုပ်စီးထားသော အပင်များမရနိုင်သောဒေသတွင် အစေ့
ဖြင့် ပျိုးထောင်စိုက်ပျိုးနိုင်သည်။ ကင်ပွန်းချဉ် သီး အခြောက်မှ အစေ့များထုတ်ယူပြီး ရေနွေးဆူဆူထဲတွင် စိမ်ပြီးနောက် ၂၄ နာရီ
အတွင်း ရေ(၂-၃)ကြိမ် လဲပေးပါ။ ထို့နောက်အစေ့များကို (၅x၆)လက်မအရွယ် ပလတ်စတစ်အိတ်တွင် ပျိုးထောင်ထားပြီး အပင်များ
တစ်ပေခန့်ရှိလျှင် မြေတွင်ချစိုက်ပါ။ အပင်အမြင့်ကို သုံးပေခန့်ထား၍ ကိုင်းများကို ချိုင်ပေးပြီး ရွက်နုများကို မှန်မှန်ဖြတ်ပေးပါ။

#အပင်ပြုစုခြင်း
အပင်များကို လေးပေခန့်အမြင့်အထိထားပြီး လုံးဝိုင်းပုံဖြစ်သွားအောင် အကိုင်းများ ချိုင်ပေးရမည်။ အရွက်ပြောင်အောင် ချွေပေးရ
မည်။ စိုက်ခင်းကြီးပါက အကိုင်းချိုင်ပြီး မြေဆွေး၊ မြေသြဇာ ကျွေးပေးရမည်။ အကိုင်းချိုင်ခြင်းကို တစ်နှစ်တစ်ခါ နိုဝင်ဘာလတွင် ပြု
လုပ်ပေးရသည်။ အပြင်ထွက်လာသောကိုင်းများကို အမြဲမပြတ်ဖြတ်ပေးရမည်။ ချိုင်ထားသောကိုင်းများကို အခြောက်ခံပြီး မီးပုံရှို့ပြစ်ပါ။

#ခူးယူခြင်း
မြေသြဇာ ကျွေး၍ ရေလောင်းပေးထားလျှင် ငါးရက်တစ်ကြိမ် ဆွတ်ခူးနိုင်သည် အညွန့်ခူးခြင်းကို တစ်နွေလုံး ခူးနိုင်ပြီး အောက်တို
ဘာလတွင် မခူးပဲ နှစ်လခန့်နားရမည်။

#အသုံးဝင်ပုံ

အသီး ၊ အရွက်။

#အာနိသင်

မြန်မာဆေးကျမ်းများအလိုအရ ကင်ပွန်းပွင့်သည် ချို၏ ၊ အေး၏ ၊ လေသလိပ်သည်းခြေကို နိုင်သည် ။ ကင်ပွန်းရွက်သည် ပူ၏ ၊ ချဉ်၏ ၊ အပူကြောင့်ဖြစ်သော အခိုး အကင်းကို ငြိမ်းစေ၏ ၊ ၀မ်းရပ်ခြင်းကို ပြုတတ်၏ ။ ကင်ပွန်းသီးသည် ခါး၏ ၊ အေး၏ ၊ အစာကို ကြေညက်စေ၍ ၀မ်းကို သက်စေသည်။

#အသီးအသုံးပြုပုံ

၁။ အသီးသည် လေအောင့်ရောဂါ ၊ သွေးနှင့်ဆိုင်သော ရောဂါ ၊ အဖြူကွက်ပေါ်သောရောဂါ ၊ အစာအိမ်ရောဂါနှင့် ၀မ်းချုပ်ခြင်းကို ပျောက်စေသည်။
၂။ အသီးနှင့် အရွက်ပြုတ်ရည်ကို ၀မ်းပျော့ ဆေးရည်အဖြစ် သုံးသည်။
၃။ အသီးပြုတ်ရည်နှင့် ခေါင်းလျှော်ပေးခြင်းဖြင့် ဆံပင်သန်စေသည်။
၎။ အသီးကိုကြိတ်၍ အရေပြားရောဂါကို လိမ်းပေးလျှင် ပျောက်၏။
၅။ အသီးများကို မြွေဆိပ်ကုဆေး ဖော်စပ်ရာ၌လည်း သုံးသည်။
၆။ စိန်နှင့်သံပရာ စားမိသူအား ကင်ပွန်းသီးကို ကျိုပြီးလက်ဖက်ရည် ပန်းကန်တစ်လုံးခန့် တိုက်ပေးသော် စားထားသော စိန်နှင့် သံပရာများ ပြန်အန်ထွက်စေ၏။

#အရွက်

၁။ အရွက် ရေနွေးဖျောရည်ကို ငှက်ဖျားရောဂါ အတွက် သုံးသည်။ ၀မ်းဗိုက် လေပွခြင်းအတွက် ၎င်းအရည်ကိုသောက်ခြင်းဖြင့် ၀မ်းပျော့ပျော့သွား၍ ပျောက်စေသည်။
၂။ အရွက်နုကလေးများကို ငရုတ်ကောင်းရည်တွင် စိမ်၍ ဆား ၊ မန်ကျည်းသီး ၊ ငရုတ်သီး နှင့် ရောထောင်းပြီး အသည်းရောင် အသားဝါရောဂါ ၊ သည်းခြေရောဂါ စသည်တို့အတွက် တိုက်ကျွေးက သက်သာစေသည်။
၃။ အရွက်နုများကို ညဥ့်သိပ်စိမ်ပြီး သောက်သော် အဖျဉ်းရောဂါ ပျောက်၏။
၎။ အရွက်နုများကို ကြိတ်၍ အသည်းရောင်သော နေရာ၌ လိမ်းကျံပေးက သက်သာစေ၏ ။
      နာတာရှည် အဖျားရောဂါ သို့မဟုတ် နာတာရှည် ရောဂါ ခံစားနေရ သူများ ခံတွင်း ပျက်နေပါက ငါးရံ့နှင့် ကင်ပွန်းချဉ်ရွက် ရောချက်ထားသည့် ဟင်းတစ်ခွက်သည် ခံတွင်းကို အထူး လိုက်စေသည်။ လေကို ပွားစေ၏။ သည်းခြေကို ရွှင်စေ၏။

သွေးဝမ်း၊ လိပ်ခေါင်း၊ ဒူလာ ရောဂါသည်များ ကင်ပွန်းချဉ်ရွက် ကြမ်းနှင့် ထန်းလျက်တို့ကို သုံးခွက် တစ်ခွက်တင် ကြိုချက်၍ သုံးစွဲပါက ရောဂါများ သက်သာ ပျောက်ကင်းစေ သည်။

၎င်းဆေးရည်ကို ရက်ရှည်မှီဝဲ သုံးဆောင်ပါက အာရုံကြော အားကောင်းစေ၍ ကိုယ်ရောင် ရောဂါ၊   လေးဖက်နာ ရောဂါတို့ ပျောက်ကင်းစေ၍ ဆီးမှန်၊ ၀မ်းမှန်စေသည်။ ၎င်းဆေး ရည်ထဲတွင် ဆားဖုတ် အနည်းငယ် ထည့်သောက်ပါက ပန်းနာရင်ကျပ်၊ ချောင်းဆိုး ရောဂါများ ပျောက်ကင်းစေသည်။

ကင်ပွန်းသီးကို တရော်နှင့် စပ်၍ ခေါင်းလျှော်ရည် အဖြစ် အသုံးပြုပါက သန်း၊ ဗောက်၊ ဒက်တို့ ကင်းဝေးစေ၍ ကျက်သရေ တိုးစေသည်။ ဆံပင်ကျွတ်ခြင်း၊ ဆံပင်ဖြူခြင်း ကိုလည်း ကာကွယ် ပေးသည်။

ကင်ပွန်းသီး ပြာချ၍ အုန်းဆီနှင့် ရောကာ လိမ်းဆေးအဖြစ် အသုံး ပြုပါက ၀ဲစို၊ ၀ဲခြောက်၊ နှင်းခူအစို၊ အခြောက်၊ ဘင်၊ ဂျွတ်နှင့် ဂရင်ဂျီနာ တို့လည်း ပျောက်ကင်းစေသည်။
နာတာရှည် အဖျားရောဂါ သို့မဟုတ် နာတာရှည် ရောဂါ ခံစားနေရ သူများ ခံတွင်း ပျက်နေပါက ငါးရံ့နှင့် ကင်ပွန်းချဉ်ရွက် ရောချက်ထားသည့် ဟင်းတစ်ခွက်သည် ခံတွင်းကို အထူး လိုက်စေသည်။ လေကို ပွားစေ၏။ သည်းခြေကို ရွှင်စေ၏။

သွေးဝမ်း၊ လိပ်ခေါင်း၊ ဒူလာ ရောဂါသည်များ ကင်ပွန်းချဉ်ရွက် ကြမ်းနှင့် ထန်းလျက်တို့ကို သုံးခွက် တစ်ခွက်တင် ကြိုချက်၍ သုံးစွဲပါက ရောဂါများ သက်သာ ပျောက်ကင်းစေ သည်။

၎င်းဆေးရည်ကို ရက်ရှည်မှီဝဲ သုံးဆောင်ပါက အာရုံကြော အားကောင်းစေ၍ ကိုယ်ရောင် ရောဂါ၊   လေးဖက်နာ ရောဂါတို့ ပျောက်ကင်းစေ၍ ဆီးမှန်၊ ၀မ်းမှန်စေသည်။ ၎င်းဆေး ရည်ထဲတွင် ဆားဖုတ် အနည်းငယ် ထည့်သောက်ပါက ပန်းနာရင်ကျပ်၊ ချောင်းဆိုး ရောဂါများ ပျောက်ကင်းစေသည်။

ကင်ပွန်းသီးကို တရော်နှင့် စပ်၍ ခေါင်းလျှော်ရည် အဖြစ် အသုံးပြုပါက သန်း၊ ဗောက်၊ ဒက်တို့ ကင်းဝေးစေ၍ ကျက်သရေ တိုးစေသည်။ ဆံပင်ကျွတ်ခြင်း၊ ဆံပင်ဖြူခြင်း ကိုလည်း ကာကွယ် ပေးသည်။

ကင်ပွန်းသီး ပြာချ၍ အုန်းဆီနှင့် ရောကာ လိမ်းဆေးအဖြစ် အသုံး ပြုပါက ၀ဲစို၊ ၀ဲခြောက်၊ နှင်းခူအစို၊ အခြောက်၊ ဘင်၊ ဂျွတ်နှင့် ဂရင်ဂျီနာ တို့လည်း ပျောက်ကင်းစေသည်။

ကိုးကား။  ။မြန်မာ့ဆေးဖက်ဝင်အပင်များနှင့် online data များ။

post by Sii Thuu (တောသား)။